Real Madridi ka regjistruar ecurinë e tij më të mirë në El Clasico prej 56 vitesh, pasi mposhti Barcelonën në La Liga të dielën. “Los Blancos” triumfuan ndaj Blaugrana-ve falë golit të parë të David Alaba, por edhe “vulës” përmbyllëse të Lucas Vazquez.
Ky i fundit zhbëri barazimin e përkohshëm 1-1, të arritur nga Sergio Aguero për të tijtë. Ky rezultat e ngjit skuadrën e Carlo Ancelotti përsëri në krye të La Liga-s, por edhe vendos rekorde në të dyja skuadrat, pozitive dhe negative.
4 – @realmadriden have won their last four games in all competitions against Barcelona, their best run in #ElClásico since 1965 (seven, one in Copa del Rey and six in LaLiga). Conquest. pic.twitter.com/DfZCLNzetp
— OptaJose (@OptaJose) October 24, 2021
Çfarë ka arritur Real Madridi? Me triumfin e djeshëm, të bardhët kanë regjistruar katër fitore radhazi ndaj Barçës, diçka historike. Një seri rezultatesh maksimale që shtrihet nga gjysma e parë e vitit 2020.
Me atë rast, golat e pjesës së dytë, me autorë Vinicius Jr dhe Mariano Diaz, i dhanë Real Madridit një fitore të vonë në shtëpi, në mars, pas barazimit 0-0 në fillim të sezonit.
Në mes të sezonit 2020-2021, Real Madridi triumfoi 3-1 jashtë shtëpisë, para fitores tjetër 2-1 në “Santiago Bernabeu”. Dje doli duarplot nga “Camp Nou”, me rezultatin 2-1 në favor. Pra, “poker” fitoresh radhazi ndaj katalanasve.
3 – Ronald Koeman 🇳🇱 has become only the second manager in @LaLigaEN history to lose his first three #ElClásico matches, after Patrick O'Connell between 1935 and 1940, also with FC Barcelona. Suffering. pic.twitter.com/LcOF8gs6aR
— OptaJose (@OptaJose) October 24, 2021
Po rekordi i padëshiruar i Koeman? Në anën tjetër të llogores, trajneri i Blaugrana-ve ka një tjetër statistikë, që duhej shmangur. Duke humbur edhe një herë kundër Real Madridit, holandezi është bërë trajneri i dytë që dështon në tri ndeshjet e para të “El Clasico”. Po kështu, holandezi bëhet trajneri i parë që e arrin këtë rekord negativ që nga viti 1940.
Vetëm Patrick O’Connell, i cili udhëhoqi klubin katalanas midis viteve 1935 dhe 1940, ka të njëjtën paraqitje negative, duke mos marrë asnjë fitore në tri përballjet e para ndaj “Los Blancos”.