Transmetuar më 13-10-2021, 20:52

Një mrekulli mund të quhet rasti i një të miture gjermane.

Ajo u shpall e humbur nga familjarët dy ditë më parë, por u gjet mirë me shëndet në pyll. Ajo ka qëndruar atje dy ditë pa ujë, ushqim dhe në temperatura shumë të ulëta.

8-vjeçarja Julia Sleegers nga Berlini, u gjet në pyllin Cerhov, në kufirin me Çekinë. Raportohet se Julia ka humbur teksa ishte duke luajtur me vëllanë.

Për ta gjetur të voglën, janë angazhuar 40 qen nuhatës, helikopterë e dronë.

Zëdhënësi i policisë Florian Beck tha për rrjetin Bild: “Ajo është gjallë, vuan nga hipotermia por nuk është në rrezik dhe u dërgua në spital. Kur ne e pamë nuk po i besonim syve”.