Fjalë dhe premtime shumë të bukura dashurie i ka dedikuar djali shqiptar vajzës nga Gana. Çifti duket se ka përjetuar një stuhi ndjenjash dhe se ai premtonte se do ta trajtonte me mjaft kujdes zemrën e saj. Deri se erdhi mbrëmja e 2 tetorit kur ata patën një fund tepër tragjik.

Kjo është ajo që ndodhi me 26 vjeçarin Kliton Pira dhe të dashurën e tij ganeze, 31 vjeçaren, Jawsackie Jaboah.

Nga fotografitë e publikuara në rrjetet sociale, Pira ka postuar dedikime tepër të ëmbla për të dashurën e tij, por ka mjaftuar një zënkë që gjithçka të përfundojnë me vdekjen e dy të rinjve.

“Falenderoj Zotin çdo ditë që të solli në jetën time dhe të dua shumë bukuroshe”, shkroi në një fotografi ku shfaqet pranë saj. Ndërsa në një fotografi tjetër, ai shkroi: “Premtoj të mbaj zemrën tënde me kujdes dhe ta trajtoj me dashuri.”

Nga fotografitë, rezulton se përjetonin historinë e dashurisë që në muajin prill.

Çfarë ndodhi?

Dy të rinjtë u konfliktuan në një banesë me qira ditore në rrugën “Pjetër Budi” në Tiranë. Fillimisht 31-vjeçari nga Dibra qëlloi me thikë ganezen dhe më pas u hodh nga kati i 8-të, duke ndërruar jetë në vend.

As ganezja nuk u rezistoi dot plagëve të marra dhe ndërroi jetë në spital.