Ka përfunduar seanca ndakj ish-ministrit Saimir Tahiri.

Gjykata e Lartë ka vendosur në favor të kërkesës së tij duke e rikthyer çështjen e tij në Apelin e Posaçëm me një trupë të re gjykuese.

Kështu Gjykata e Lartë ka rrëzuar kërkesën e SPAK për t’i rikthyer hetimet edhe njëherë nga e para.

Pas dhënies së vendimit Saimir Tahiri doli në heshtje nga Gjykata e Lartë, dhe nuk preferoi që të ndalej të fliste me gazetarët.

Kujtojmë se Saimir Tahiri u dënyar nga GJKKO me 3 vite burg shërbim prove, ndërkohë që Apeli i Posaçëm prishi vendimin dhe e riktheu çështjen për gjykim në shkallën e parë.

Tashmë me vendimin e Gjykatës së Lartë, çështja e Tahirit do të kthehet edhe njëherë në apelin e posaçëm nga ku do të duhet që të jepet vendim për ishministrin e brendshëm.

Në një deklaratë për mediat, avokati i Tahirit, Maks Haxhia është shprehur se ishin optimistë dhe se e vetmja strategji është kërkesa që klienti i tij të shpallej i pafajshëm.

Maks Haxhia, Avokati i ish ministrit të Brendshëm, Saimir Tahiri

Ne dhe dy kolegë të tjerë e shtymë hetimin në venimin final që të zgjidhej çështja me themel. Gjykata e rrëzoi këtë kërkesë. Përfundimisht Gjykata e Lartë vendosi prishjen e vendimit të Apelit për Korrupsion. Ktheu çështjen po në të njëjtën gjykatë por me trup tjetër gjykues. Ne kërkojmë pafajësi për Tahirin.

Shkelja e parë e bërë nga gjyqtarët e Apelit në seancën e kaluar është se kanë cënuar paanësinë sepse kanë dhënë mendim mbi një cështje që kishte fakte të kryera.

Strategjia e rradhës, presim të zbardhet vendimi të shkojmë në gjykatën e Apelit dhe të ngulmojmë për kërkesën tonë. Ne jemi optimstë dhe të sigurtë në gjëndjen aktuale. Drejtësia do të shkojë në vend duke shpallur Sajmir Tahirin të pafajshëm.