Shoferë të tërbuar janë parë duke luftuar ndërsa nxitimi mbarëkombëtar për karburant u rëndua shumë sot, mes thirrjeve për qetësi nga Qeveria, pasi qindra pika karburanti janë bosh.

Pamjet tronditëse tregojnë blerësit nën panik, që grushtojnë dhe godasin njëri -tjetrin gjatë një përleshjeje të dhunshme në një pikë karburanti Esso në Sidlesham, Chicester, pasi rrugët ishin bllokuar nga policia.

Dy burra u panë duke u grindur para se të godisnin me grushte njëri -tjetrin, ndërsa një tjetër shofer i tërbuar nisi një goditje të egër ndaj një burri tjetër.

Grindja për karburant u bë e dhunshme deri në zona të qeta si West Sussex.

Mijëra shoferë të dëshpëruar injoruan thirrjet e qeverisë për qetësi, me frikën që po rritet mbi ndikimin e mungesës së karburantit.

Pamjet që po qarkullojnë në internet tregojnë shoferët që grumbullojnë karburant, aty ku arrijnë të gjejnë.

Grupi EG bllokoi shitjen e lirë në të gjitha pikat e saj, me qindra, duke lejuar vetëm 30 paund për makinë.

Mungesa e karburantit vjen për shkak se nuk ka shoferë për ta transportuar atë nga depozitat në stacione, raporton noa.al duke cituar mediat britanike.

Në videon që dërgoi një lexues i noa.al duket radha e mjeteve dhe pikat e karburantit bosh, ndërsa njerëzit të dëshpëruar kërkojnë të mbushin karburatorët e makinave të tyre.

View this post on Instagram

A post shared by NOA në Instagram (@noanews)

Aty ku arrijnë të gjejnë, shihen plot njerëz që mbushin dhe bidonë për t’i pasur rezervë, ndërsa rrinë në radhë me orë të tëra.

Kryeministri Boris Johnson njoftoi një.plan emergjent dhe tha se po jepen viza për 5,000 shoferë të huaj kamionësh në përpjekje për të frenuar mungesën e lëndës djegëse. /noa.al