"Shumë skuadra mund të bashkohen dhe të luftojnë deri në fund për titullin. Roma dhe Napoli kanë pasur një fillim të shkëlqyeshëm, por Atalanta është gjithashtu atje. Dhe nuk e di kë tjetër duhet të shtoj. Ne jemi favoritët pas fitores së titullit sezonin e fundit".

Për lamtumirën e Romelu Lukaku dhe Achraf Hakimi, të cilët kaluan në verë respektivisht te Chelsea dhe PSG: "Zgjedhje e gabuar? Asnjëherë. E dija që ata të dy kishin bërë një punë të shkëlqyeshme këtu dhe kanë gjithë respektin tim.

Është normale që, në një kohë të vështirë ekonomike për shkak të Covid-19, nuk i mban dot lojtarët e mëdhenj që kanë oferta të rëndësishme. Klubi duhet të vendoset para gjithçkaje. Unë kam qëndruar gjithmonë i fokusuar në punën time, sepse e dija që kisha ardhur në një klub të madh".

Në verë, ashtu si Calhanoglu, Simone Inzaghi gjithashtu mbylli një përvojë të gjatë (te Lazio) për të filluar një tjetër tek Interi: "Para se të nënshkruaja për Interin, unë fola me të disa herë në telefon dhe nga ajo që më tha, mund ta shihje se më donte mua. Trajneri është ai që gjithmonë synon të fitojë, por unë gjithashtu e kuptova këtë duke luajtur kundër tij. Më krijoi një ndjenjë të madhe. Më pëlqen mënyra e tij e punës, adrenalina dhe motivimet që përcjell te skuadra".

Turku i lartëson shokët e rinj, por përqendrohet veçanërisht te njëri: "Ata janë lojtarë të shkëlqyeshëm dhe, për një arsye apo një tjetër, unë duhet t’i përmend të gjithë. Nëse doni vetëm një emër, unë them Skriniar, një person i madh, një mbrojtës i madh dhe një karakter i shkëlqyeshëm".