Njeriu i duhur në kohën e duhur… Carlos Tevez përfaqësoi këtë filozofi jetësore për Manchester United e Sir Alex Ferguson, i cili midis viteve 2007 dhe 2009 fitoi pothuajse gjithçka në Angli, Europë dhe botë.

Kanë kaluar më shumë se dhjetë vite që atëherë dhe në karrierën e “Apache” ka pasur ekipe të tjera: Manchester City, Juventus, Shanghai Shenhua, Boca Juniors. Nuk e ka menduar ende tërheqjen, sepse Tevez ka ende një dëshirë të madhe për të vazhduar të luajë futboll. Ajo që ndodhi te “Djajtë e Kuq”, megjithatë mbetet e paharrueshme, veçanërisht për momentet jashtë fushës…

LAMBORGHINI – 37-vjeçari foli me mikrofonat e “TycSports”, duke zbuluar anekdota kurioze të karrierës së tij. Njëra mbi të gjitha, që lidhet me automjetet e lëvizjes te Manchester United: "Të gjithë vinin në stërvitje me Ferrari ose Lamborghini, madje edhe lojtarët më të varfër e kishin një makinë të tillë.

Unë u shfaqa me Audi, që klubi më kishte dhënë. Shokët e skuadrës qeshën me mua sikur të ishte një Fiat 600". Atë ditë për “Apache”, ndihma e një kolegu veçanërisht bujar ishte providenciale: "Rooney i çmendur mori Lamborghinin e tij dhe ma dha mua". Atë ditë filloi një miqësi e bukur mes Tevez dhe Rooney.

MIQ TË MIRË – Argjentinasi kujton me kënaqësi yllin anglez: "Kam kaluar shumë mirë me Wayne. U identifikova me të për origjinën dhe vendin nga vinte, një zonë e varfër e Liverpool-it. Ai gjithmonë luftoi sikur duhej të luante topin e fundit të karrierës, ashtu isha edhe unë”.

Një nga sekretet e fitoreve të Alex Ferguson në periudhën 2007-2009 ishte gjithashtu marrëdhënia e veçantë midis Tevez dhe Rooney, të cilët së bashku me Cristiano Ronaldo rishkruan historinë e “Djajve të Kuq”.

Ai shkoi më keq me Sir Alex, me të cilin marrëdhëniet ishin të paktën të luhatshme. Vendimi për të mos aktivizuar “Apache” në finalen e Champions-it të vitit 2009 kundër Barcelonës ka krijuar një thyerje mes të dyve. Dhe në fund, Carlitos e tradhtoi United me City. Por, në “Etihad” askush nuk i dha makinën e vet si Rooney.