Duhej të ishte një përvojë e rritjes si grup, e ndarjes së përvojës duke u argëtuar në male, duke kultivuar në mënyrë të shëndetshme pasionin për futbollin. Zbori veror i një ekipi futbolli në Itali, Gallaratese, në kategorinë e para të rinjve, përkundrazi përfundoi me padi për ngacmim seksual të trajnerit.

Kjo ankesë u prezantua nga prindërit e një djali, i cili gjatë ditëve të kaluara në stërvitje, së bashku me shokët e tij të skuadrës, kishin marrë mesazhe dhe ishin ndeshur me sjellje të dyshimta nga trajneri i tyre. Sipas akuzave, trajneri ishte shtrirë në shtrat me futbollistin e ri…

Tekniku 49-vjeçar piemontez iu nënshtrua masës paraprake të detyrimit të paraqitjes dhe sekuestrimit të telefonit celular. Klubi e pezulloi menjëherë, teksa presidenti tha: "Ne jemi në pritje të një verifikimi konkret të fakteve për të shmangur gjykime përmbledhëse.

Është e drejtë që hetimet të kryhen sa më qetësisht të jetë e mundur. Sapo mësova se çfarë u tha djali prindërve të tij, menjëherë thirra trajnerin për ta informuar se ishte i shkarkuar. Kështu, ekipi do të vijojë punën me një trajner tjetër”.

Trajneri, i cili vitet e fundit kishte qenë instruktor futbolli, fillimisht në Piemonte dhe më pas në zonën milaneze, ka punuar në pozicione të ndryshme arsimore, si animator dhe edukator, gjithashtu duke botuar histori dhe romane mbi çështjet e të rinjve që lidhen me ngacmimet. Në të kaluarën ishte pezulluar dhe përjashtuar nga disa ekipe, me të cilat kishte punuar, ndaj tani rrezikon t’i hiqet fare licensa e trajnerit.