Që Neymar shkoi në Paris i joshur nga një ofertë ekonomike stratosferike, kjo ishte e njohur në të gjithë botën. Tani, gazeta “El Mundo” ka zyrtarizuar një shifër në atë shumë marramendëse parash, duke publikuar kontratën që sulmuesi nënshkroi me PSG më 2017, në të cilën, ndër aspekte të tjera, mund të shihet se si operacioni i ka kushtuar klubit parizien një shumë totale shumë afër 500 milionë eurove.

Konkretisht, gjithmonë sipas informacioneve të lartpërmendura, janë 489.228.117 euro që u deshën për ta veshur Neymarim me ngjyrat e PSG-së. Klubi në fjalë është shtetëror, në pronësi të Katarit, ndaj bëri një shpenzim astronomik për të nënshkruar me yllin brazilian, duke paguar 222 milionë euro klauzolën e lirimit nga katalanasit.

Sa i përket pagës, sipas kontratës së publikuar, Neymar pranoi të merrte 43.340.400 euro në vit, që rezulton në një total prej 216.702.000 euro deri më tani. Në atë kohë, për rastin hipotetik të një sezoni të gjashtë, me një rinovim të nevojshëm në të ardhmen, i bërë realitet kësaj vere, u përcaktua një pagë vjetore prej 50.556.117 euro në sezon.

Duhet mbajtur mend se Neymar rinovoi kohët e fundit me PSG deri në vitin 2025, kështu që gjithçka tregon se ai vit i gjashtë do të konsolidohet dhe me shumë mundësi paga është rritur me këtë nënshkrim të ri.

Si detaje të kontratës së lartpërmendur duhet shtuar fakti se PSG mori përsipër çdo lloj eventualiteti, qoftë një kërkesë e Barcelonës apo kontingjencë fiskale që rrjedh nga ky operacion i madh ekonomik.

Një element tjetër i rëndësishëm, siç raportohet nga “El Mundo”, është se dokumenti parashikon përfitimin tatimor, që nënkupton statusi shëndetsor i Neymar. Pra, PSG paguan edhe 50% të taksimit shëndetësor të brazilianit, pasi nuk kishte qenë rezident francez i taksave për pesë vitet e mëparshme.

Në një pjesë tjetër përmendet veçanërisht fakti se Neymar nënshkroi me PSG i ndihmuar nga dy agjentë sportivë, Laurent Gutsmuth dhe izraeliti Pini Zahavi. Pagesat e të dy agjentëve, si dhe tarifat e babait të futbollistit, u shlyen jashtë kontratës së sulmuesit brazilian dhe nuk përfshihen në marrëveshje, shpjegon media që publikon dokumentin.