Dy pankarta të nënshkruara nga tifo-grupi i njohur “Viking”, ultras të Juventusit, u varën jashtë stadiumit “Allianz”.

Njëra për të kundërshtuar veprimet e klubit në merkaton e verës dhe tjetra për përdorim të brendshëm dhe konsum të një lufte midis rrymave të ndryshme të mbështetësve bardhezinj.

E para, siç thamë, iu drejtua drejtpërdrejt presidentit Agnelli (dhe Alberto Pairetto, menaxher i Juventusit, përgjegjës për marrëdhëniet me tifozët) për të dëshmuar kundërshtimin e fortë ndaj lëvizjeve të fundit në merkato.

Kjo nënkupton shitjen e Cristiano Ronaldos dhe ardhjen e vetëm Kaio Jorge dhe Locatelli: "Ekipi i shkatërruar dhe një stadium që rri kot… Agnelli dhe Pairetto, fatkeqësi e përsosur".

E dyta, nga ana tjetër, kishte të bënte veçanërisht me mbështetësit e organizuar, konfliktet e brendshme midis grupeve të ultrasve dhe pjesës tjetër të mbështetësve të organizuar. Asgjë nuk ka të bëjë me fushën, pra.

Por, pikërisht prej andej, nga fusha, duke filluar nga ndeshja e radhës me Napolin, përgjigjet e pritshme do të duhet të arrijnë nga ekipi dhe Max Allegri. Tifozët presin përgjigje për të përmbysur trendin negativ të fillimit të kampionatit, që i solli Juventusit vetëm një pikë mes sfidave me Udinese dhe Empoli.