Një person ka mbetur i vrarë mbrëmjen e sotme pasi u qëllua me armë zjarri në rrethana të paqarta pasi ishte në fokusin e një atentati të pastër.

Ngjarja ka ndodhur rreth orës 22:50, në fshatin Reç, Malësi e Madhe, raporton noa.al.

Mësohet se në rrethana ende të paqarta është qëlluar me armë zjarri shtetasi Sokol Çelaj. i cili ka qenë duke lëvizur me automjetin e tij.

Shtetasi Sokol Çelaj, pasi është transportuar në spitalin e Shkodrês ka ndërruar jetë si pasojë e plagëve të marra.

Shërbimet e Policisë kanë ngritur pika kontrolli dhe vijon krehja e zonës për identifikimin dhe kapjen e autorëve.

Grupi hetimor nën drejtimin e Prokurorisë po vijon punën për sqarimin e rrethanave të kësaj ngjarje.