Trajnimi i Barcelonës duhet të jetë shumë stresues. Setién e ka humbur vullnetin për trajner. Valverde, i cili i parapriu atij, sapo e ka gjetur dhe është kthyer, pas disa vitesh, për të folur për futbollin. Ai e bëri këtë në programin "El Día de Mañana". Një intervistë e gjatë në të cilën foli për gjithçka. Natyrisht edhe për Messin dhe përvojën e tij si trajner i argjentinasit.
FUTBOLLI – Marrëdhënia me futbollin duket se ka ndryshuar thellësisht. Valverde u lirua nga posti i tij si trajner i Barcelonës në janar 2020, pas eliminimit kundër Atletico Madridit në Superkupën e Spanjës. Që atëherë, Valverde nuk e kishte ekspozuar shpesh veten:
"Kur Barcelona më kontaktoi, nuk u mendova për më shumë se një moment. Ndjeva se ishte një mundësi unike dhe një përvojë për t’u jetuar intensivisht. Unë ende kam kujtime të shkëlqyera nga Barcelona. Ndodhi çfarë ndodhi dhe u shkarkova. Gjërat që ndodhin".
MESSI – Duket se pas lamtumirës kishte një marrëdhënie të komplikuar me Messin dhe më pas me senatorët e tjerë në dhomën e zhveshjes. Asnjëherë nuk është folur për këtë. Valverde as nuk e mohon, as nuk e konfirmon: "Këto gjëra nuk mund të thuhen, më mirë që janë pjesë dhe vazhdojnë të mbulohen në heshtjen dhe misterin e dhomës së zhveshjes.
Unë jam absolutisht i bindur se kjo është zgjedhja e duhur. Mendoj se është më mirë të mos i njoftosh njerëzit se si po shkojnë gjërat… Ndonjëherë është më mirë të mos e dini të vërtetën. Unë preferoj që të gjithë të vazhdojnë të mendojnë se mund të dinë gjithçka se si shkoi".
TRAJNIMI – Ndryshe nga Setién, pasardhësi i tij te Barcelona, Valverde ende dëshiron të punojë si trajner: "Këto përvoja të mësojnë shumë. Nëse vjen një ofertë që më intereson dhe e konsideroj të denjë për shqyrtim, do ta vlerësoj. Në çdo rast, vitet më të mira, në fund të fundit, i kam jetuar tek Athletic Bilbao.
Atje kam qenë më i lumtur, të gjithë më respektonin, edhe nëse ka pasur disa momente që nuk ishin ndër më të mirat. Për sa i përket ndjenjës, ekipit, ndjenjës së përkatësisë dhe identifikimit, është e vështirë të gjesh diçka të ngjashme. Të gjithë bëjnë tifo për ekipin dhe gjithmonë japin mbështetje".
