Ky është Tajar Fetiu, i riu 24-vjeçar të cilit iu bë atentat mbrëmë në mesnatë ndërsa kthehej në Shtëpi. Atentatori qëlloi 6 herë në drejtim të tij pastaj u zhduk në rrugicat e lagjes. Ai u transportua për në spitalin e Traumës në Tiranë, ndërsa policia deklaron se e ka identifikuar autorin dhe po punon për kapjen e tij.

Njoftimi i policisë:

Berat/Informacion paraprak

Në spitalin e Beratit ka shkuar shtetasi T.F., 24 vjeç për ndihmë mjekësore, dyshohet i plagosur me armë zjarri në rrethana ende të paqarta në lagjen Deshmorët e Kombit, pranë Xhamisë.

Shërbimet e Policisë dhe grupi hetimor kanë shkuar menjëherë në vendngjarje.

Nga veprimet e para hetimore është bërë e mundur identifikimi i autorit të dyshuar, ku për arsye hetimi nuk mund të bëjmë me dije identitetin e tij.

Vijon puna intensive për kapjen dhe arrestimin e autorit të dyshuar.

Grupi hetimor vijon punën për zbardhjen e e plotë të rrethanave të ngjarjes.