Një aksident ka ndodhur në qendër të Shëngjinit. Gazetari Gjergji Figuri raporton se makina ka përplasur një fëmijë që po kalonte rrugën.

I vogli rreth 6 vjeç është dërguar në spitalin e Lezhës për të marrë trajtim mjekësor. Mësohet se gjendja e tij është e rëndë. Policia ka mbërritur në vendngjarje dhe ka nisur hetimet për zbardhjen e plotë.

Lezhë/Informacion paraprak

Më datë 18.08.2021, rreth për 08.45, në Shëngjin, mjeti tip furgon me drejtues shtetasin Sh.P., ka goditur një të mitur të moshës 6 vjeç, ku për pasojë ka marrë dëmtime dhe është transportuar në spitalin Rajonal Lezhë dhe ndodhet nën kujdesin mjekësor.

Drejtuesi i mjetit shtetasi Sh.P., është shoqëruar në Komisariatin e Policisë Lezhë, për veprime të mëtejshme.

Grupi hetimor në vendngjarje po punon për sqarimin e plotë të shkakut dhe rrethanave të ngjarjes.

Sipas të dhënave, fëmija ka qënë i shoqëruar nga familjarët dhe kanë qënë duke kaluar rrugën kur është shkëputur pak fëmija është goditur nga furgoni.