Talebanët kanë hyrë në pallatin presidencial si pjesë e një marrëveshjeje të arritur me presidentin Ghani, por ky i fundit mori arratinë sot për në Taxhikistan edhe pse kishte rënë dakord për kalim paqësor të pushtetit dhe ceremoni të posaçme për këtë.

Zyrtarët talebanë njoftuan se nuk do të ketë hakmarrje për asnjë afgan dhe të huaj në vend dhe deklaruan se kërkojnë që ekipet e OKB dhe organizatave bamirëse të qëndrojnë në vend dhe të vazhdojnë misionet e tyre, raporton noa.al duke cituar BBC.

Një zëdhënëse e Fondit të Kombeve të Bashkuara për Fëmijët (Unicef) në Kabul i tha BBC-së se, deri më tani, talebanët kanë respektuar "shenjtërinë e zyrave të bamirësisë", raporton noa.al.

Ajo tha se talebanët donin që OKB të qëndronte dhe të vazhdonte punën e tyre.

Sam Mort tha se militantët kishin qenë të sjellshëm dhe aktualisht po ruanin dhe po ndihmonin operacionet e OKB -së.

Zëdhënësja theksoi angazhimin e Unicef ​​ndaj grave dhe fëmijëve të Afganistanit, duke thënë se shpresonte të rifillonte operacionet brenda disa ditësh.