Në mes të një rritje të rasteve të reja për shkak të variantit Delta të koronavirusit, kompanitë farmaceutike Pfizer dhe Moderna kanë rritur çmimet e vaksinave të tyre kundër Covid-19 përmes një marrëveshjeje me Bashkimin Europian, siç zbulohet nga “The Financial Times”.

Një rritje mjaft e dukshme e kostos, veçanërisht në rastin e parë, e cila nuk ka marrë një shpjegim më të madh sesa artikulli i lartpërmendur i gazetës.

Ky është çmimi i secilit ilaç, sipas laboratorit të tij:

Vaksina Pfizer shkon nga kostoja 15.50 në 19.50 euro për njësi.

Vaksina e Modernës kushton 19 euro, por tani çmimi do të jetë 21.50 për njësi.

As Komisioni Europian dhe as kompanitë farmaceutike nuk kanë reaguar mbi këtë rritje. Kontrata e Bashkimit Europian me këto dy kompani ishte zyrtarizuar tashmë, kështu që rritja e çmimit të vaksinave mbetet e paqartë si është bërë. Dhe ne po flasim për një kosto dukshëm më të lartë se 1.78 euro, sa kushton secila njësi e vaksinës AstraZeneca, pothuajse asgjë.

Ky do të jetë një justifikim më shumë për ta përqendruar debatin te lëshimi i nevojshëm i patentave, në mënyrë që vaksinat të prodhohen në masë, pa kufizime ekonomike që prekin, mbi të gjitha, vendet më të pafavorizuara.