Një zyrtar i lartë kinez, është larguar për në Shtetet e Bashkuara bashkë me vajzën e tij dhe i ka treguar administratës Biden informacione rreth rrjedhjes së koronavirusit nga një laborator i Wuhan-it.

Ky zhvillim vjen ndërsa teoria që koronavirusi ka rrjedhur nga Instituti i Virologjisë në Wuhan apo nga ndonjë laborator tjetër shkencor në Kinë është përshkruar si konspirative nga shumë njerëz edhe pse dihet që në laboratorët e Wuhan-it shkencëtarët kanë qenë duke studiuar koronavirusët që vijnë nga lakuriqët e natës.

Zyrtari 57-vjeçar Dong Jingwei, ishte zëvendës ministër në Ministrinë e Sigurisë Kombëtare të Kinës, e cila është praktikisht Shërbimet Sekrete të vendit. Ai është dorëzuar në Shtetet e Bashkuara

Gjithçka filloi me një tweet nga Han Lianchao, një ish-zyrtar i Ministrisë së Jashtme kineze, i cili u dorëzua në Shtetet e Bashkuara pas protestave të përgjakshme në Sheshin Tiananmen në 1989.

Në një postim që ai bëri më 16 qershor, ish-zyrtari kinez njoftoi se edhe Jingwei u dorëzua në Shtetet e Bashkuara. Zëvendësministri mësohet se është dorëzuar në shkurt 2021. Dorëzimi i Jingwei u diskutua në një takim të zyrtarëve kinezë dhe amerikanë në Alaskë, por Shtetet e Bashkuara refuzuan ta dorëzonin spiunin kinez.

Në takim nga pala amerikane ishin Sekretari i Shtetit i SHBA Anthony Blinken dhe Këshilltari i Sigurisë Kombëtare të SHBA Jake Sullivan.

Zyrtarisht nuk jepen detaje çfarë ka treguar zyrtari kinez. Por ajo që vërehet është se që në ditët që ai u dorëzua, Shtëpia e Bardhë dhe presidenti Biden folën hapur për dyshime të forta se kovidi doli nga laboratori në Wuhan. Por nëse doli qëllimisht apo aksidentalisht, kjo nuk po thuhet ende.