I riu që goditi me shuplakë presidentin francez Emmanuel Macron gjatë vizitës së tij në qytetin Tain-l’Hermitage në Francë u dënua me 18 muaj burg.

Në rastin e proceduar në Gjykatën Penale në Valence, prokurori Alex Perrin kërkoi që Damien Tarel të dënohet me 18 muaj burg.

Prokurori Perrin gjithashtu kërkoi që 28-vjeçari Tarel të ndalohet të mbajë funksione publike dhe as të mosnvotojë dhe që ai të ndalohet të ketë armë për pesë vjet.

Në mbrojtjen e tij, Tarel tha se Macron përfaqëson rënien e vendit dhe se ai nuk e kishte planifikuar shuplakën paraprakisht.

Gjykata e dënoi Tarel-in me 18 muaj burg dhe pezulloi 14 muaj të dënimit.

Tarel u dërgua në burg për të kryer katër muaj privim lirie.

Ligji francez parashikon një maksimum prej 3 vitesh burgim dhe një gjobë prej 45.000 eurosh për krime të ngjashme.

#Macron se fait gifler en direct de #Tain pic.twitter.com/tsXdByo22U

— Alex ⚜️ (@AlexpLille) June 8, 2021

Ngjarja ndodhi vetëm pak ditë më parë. Pasi vizitoi një shkollë të mesme të turizmit dhe hotelerisë në qytetin Tain-l’Hermitage, Macron iu afrua turmës që priste për t’u përshëndetur. Personi që iu afrua presidentit Macron i mbajti krahun me njërën dorë dhe e goditi me dorën tjetër.