Lumi nxjerr me dhjetëra trupa të pajetë në Indi, dyshohet për viktima të Covid-19
Transmetuar më 12-05-2021, 14:48

Dhjetëra trupa janë gjetur të hedhur në një lumë në rrethin Panna të Madhya Pradesh të Indisë.

Kjo situatë ka shkaktuar panik në zonë dhe në tërë Indinë, vendi që po përballet me një valë të egër të Covid.

Zbulimi i të paktën 71 trupave në shtetin e Bihar ka ringjallur frikën se koronavirusi tashmë po bën kërdinë në zonat rurale të Indisë.

Një ditë më parë kufoma u gjetën edhe në lumin Ganga në Bihar dhe Uttar Pradesh.

Kufomat e gjetura në lumë besohet se janë viktima të Covid.

Banorët thanë se trupat po notonin në lumë në Panna për katër ditë, por çështja u bë publike të martën pasi një video e kufomave u bë publike në mediat sociale.

“Trupat e dekompozuar mund të shihen lehtësisht në lumë. Ne nuk e dimë nëse trupat u përkasin njerëzve të infektuar me Covid-19 apo jo, por kjo është për herë të parë që kemi parë trupa lundrues në këtë lumë. Nuk po lejojmë fëmijët të dalin nga shtëpitë pasi kemi frikë nga përhapja e sëmundjes në fshat, ”tha Rajesh Yadav, banor i Panna.

Ministri i Burimeve Ujore të shtetit Bihar në verilindje të Indisë, Sanjay Kumar, njoftoi sot përmes Tëitter se një rrjetë u vendos në lumë në kufi me shtetin e Uttar Pradesh.

Zyrtarisht, autoritetet indiane flasin për rreth 4 mijë të vdekur në ditë nga Covid.

/a.m/NOA.al