Një foshnje është braktisur në mes të një parku në Birmingham, shkruan Metro.
Ngjarja ka ndodhur më 22 prill, ndërsa ende nuk dihet se kush është nëna i foshnjës.
Sipas medias së njohur britanike, besohet se foshnja ka lindur po në atë ditë dhe është braktisur disa orë më vonë.
“Foshnja është e shëndetshme, por fatkeqësisht nuk kemi gjetur ende nënë e tij. Jemi të shqetësuar. Duam që fëmija të mos ketë asnjë shqetësim, si fizikisht, por edhe mendërisht”, lajmëroi policia.
Interesante është dhe mënyra se si u gjet foshnja. Terry Walsh, 64-vjeç, ishte duke kaluar shëtitje me qenin e tij në park, kur ky i fundit, u afrua tek një batanije që gjeti në mes së hapësirës me bar.
Pasi u afrua, i moshuari Walsh, tha se gjeti foshnjën dhe menjëherë lajmëroi policinë. Walsh thotë se qenin e dërgoi zoti në atë vend, për të shpëtuar fëmijën e gjorë.
“Isha duke kontrolluar për qenin, kur e pashë iu afrova menjëherë. Veshët më dëgjuan të qara fëmije, u afrova përsëri, ku pikasa më pas foshnjën”, u shpreh 64-vjeçari./K.B/NOA.al