Pretendoi se mori 200 mijë lekë për 4 vota, shoqërohet në polici, nisin hetimet
Transmetuar më 29-04-2021, 19:56

Pas shfaqjeve te pamjeve filmike në rrjetet sociale të një qytetari nga Lezha, i cili ka deklaronte se kishte marrë para, 200 mijë lekë të vjetra për katër vota, madje thoshte se këto para i kishte marrë nga policia, duke mos specifikuar personat dhe vendin ku i ka marrë paratë.

Por policia e Lezhës ka nisur hetimet.

Pas publikimit dhe pretendimit të tij, është bërë shoqërimi në polici i shtetasit G.P.

Gjithashtu janë kryer verifikime në lidhje me identifikimin e shtetasve të tjerë të përfshirë në këto pamje filmike.

Shtetasi G.P., i shfaqur në video, sapo ishte kthyer nga puna në Malin e Zi, ku punon si punëtor sezonal. Për rastin vazhdojnë verifikimet për identifikimin e personave të tjerë të përfshirë.

/a.m/NOA.al