Mori dozën e parë të vaksinës anti-Covid, gruaja ngrihet e shpërfytyruar në mëngjes
Transmetuar më 24-04-2021, 15:13

Një grua në Angli ka treguar reaksionin alergjik, që pësoi pasi mori dozën e parë të vaksinës anti-Covid, AstraZeneca.

Vicky Richardson nga Fareham, Hampshire pësoi skuqje dhe enjtje të fytyrës.

Ajo kërkoi që të gjithë t’i besojnë shkencës dhe të vazhdojnë të marrin dozat e vaksinës për tu mbrojtur nga Covid-19.

Fillimisht, 37-vjeçarja vuri re se kishte diçka ndryshe në lëkurën e saj dhe i dukej sikur kishte kaluar gjithë natën duke pirë alkool.

Kur u zgjua në mëngjes, i ndjeu qerpikët shumë të fryrë dhe u shtang kur pa në pasqyrë se sa e ënjtur ishte fytyra e saj.

Menjëherë ajo njoftoi mamanë e saj dhe shkuan në farmaci.

Pasi mori disa anti-alergjikë për tre ditë, fytyra e Vickyt u kthye në normalitet dhe ajo ishte në gjendje të kthehej në punë.

/a.m/NOA.al