Jeni agjërues? Ka disa mënyra për të marrë proteina që ju nevojiten për trupin tuaj

Shumë ushqime bimore mund të plotësojnë nevojën e trupit tuaj për proteina. Por cilat janë burimet më të mira për agjërimin? Noa.al ju vjen në ndihmë me këshillat e ekspertëve për ushqimet që ju sigurojnë proteinat e nevojshme. 

1.Tofu

Është një burim i rëndësishëm i  lëndëve ushqyese për njeriun. Përmban 8 nga aminoacidet thelbësore për trupin tonë. Për më tepër është i pakët në kolesterol dhe i pasur me acide yndyrore omega-3 dhe kalcium. Ai përmban izoflavone, substanca që ndihmojnë në përmirësimin e kujtesës dhe është një burim i shkëlqyeshëm i copper, një element thelbësor për funksionimin e duhur të qelizave të kuqe të gjakut. Është gjithashtu një burim i pasur i seleniumit, i cili ka aktivitet antioksidues, i pasur në hekur dhe zink.

2.Bollguri

Në krahasim me orizin e bardhë të pasuruar, mielli i tërshërës ka më shumë fibra dhe proteina, me një indeks glikemik më të ulët dhe nivele më të larta të shumicës së vitaminave dhe mineraleve. Ndaj përdoreni bollgurin.

3.Thjerrëzat

Thjerrëzat kanë shumë fibra dhe shumë proteina. Ato mund të shndërrohen në një pjatë të pasur ushqyese duke i kombinuar me një ushqim të pasur me niseshte, siç janë orizi ose arrat. Thjerrëzat kanë treguar që ulin kolesterolin dhe ulin po ashtu rrezikun e sëmundjeve të zemrës.

4.Fasulet e zeza

Fasulet e zeza janë të pasura me fibra, kalium, acid folik, vitaminë B6 dhe një numër fitonutrientësh.

5.Orizi i egër

Është një burim i shkëlqyeshëm i proteinave, i pasur me antioksidantë dhe me një përmbajtje më të lartë të vitaminës B, magnezit dhe kaliumit.

6.Qiqrat

Qiqrat janë një nga burimet më të mira të proteinave dhe kanë vlera të mëdha ushqyese, të barabarta me mishin. Janë burim i pasur fibrash, karbohidratesh, acidi folik, kalciumi, hekuri, magnezi, vitamine B dhe niacine. Nuk përmban natrium dhe kolesterol. Me fjalë të tjera, është një burim i pasur lëndësh ushqyese që mbron nga shumë sëmundje.

7.Bajamet

Bajamet janë një burim i acideve yndyrore të pangopura, me nivele shumë të ulëta të yndyrës së ngopur dhe pa kolesterol. Një grusht bajame siguron 35% të dozës ditore të rekomanduar të vitaminës E, një antioksidant i rëndësishëm për trupin e njeriut.

8.Farat Chia

Farat Chia janë një ushqim i pasur me acide yndyrore omega-3, përfshirë acidin a-linolenik.

9.Tërshëra

Tërshëra ka veti të rëndësishme sepse përmbajn një lloj fibre të tretshme bimore të njohura si beta-glukan. Beta-glukani bën pjesë në kategorinë e polisakarideve të patretshme dhe ka vetinë të ulë nivelet e kolesterolit total dhe LDL (kolesteroli i keq) në gjak, pa ndikuar në nivelet e vitaminave antioksiduese të tretshme në yndyrë.

10.Shqeme

Përveç marrjes së proteinave të mira, shqemat siguroj 20% të dozës së rekomanduar të magnezit, së bashku me 12% të dozës së rekomanduar të vitaminës K – dy lëndë ushqyese thelbësore për formimin dhe forcimin e kockave.

11.Farat e kungullit

Farat e kungullit nuk janë vetëm një burim i shkëlqyeshëm i proteinave, sepse ato përmbajnë sasi të larta të magnezit, acideve yndyrore omega-3 të zinkut dhe triptofanit.

12.Spinaqi

Spinaqi është i pasur me beta-karotinë dhe luteinë, antioksidantë, të cilët parandalojnë formimin e radikaleve të lira dhe kontribuojnë në funksionimin e duhur të enëve të gjakut.

13.Avokadot

Avokadot janë të pasura me vitaminë K, vitaminë C dhe fibra. Po ashtu përmban acide yndyrore të pangopura, të cilat ulin kolesterolin e keq (LDL) dhe përmirësojnë kolesterolin e mirë (HDL).

14.Brokoli

Brokoli është i pasur me antioksidantë të tillë si karotenoidet dhe luteina. Midis antioksidantëve, është zbuluar sulforafani, i cili në shumë studime është treguar të ketë efekte anti-kancer.

15.Kërpudhat pleurotus

Kërpudhat pleurotus kanë veti të shkëlqyera organoleptike, ndërsa në të njëjtën kohë janë të pasura me fibra dietike, vitamina B, acide organike, karbohidrate të tilla si beta-glukane. Për më tepër, përbërësit që gjenden tek këto kërpudha përmbajnë antioksidantë që përfshijnë beta-karoten, tokoferol dhe fenol. /noa.al