Manchester United fiton 3 pikë me përmbysje kundër Brighton! Rihapet totalisht La Liga
Transmetuar më 05-04-2021, 10:40

Manchester United ka fituar 2-1 me përmbysje kundër Brighton në Premier League, duke siguruar vendin e dytë për momentin.

Manchester United ka hedhur një tjetër hap të sigurtë drejt kualifikimit në Champions League për sezonin e ardhshëm, pasi "djajtë" kanë mposhtur 2-1 me përmbysje Brighton në Old Traford për llogari të javës së  30 të Premier League.

Ndeshja nisi në malore për të besuarit e Solskjaer të cilët në minutën e 13 u ndëshkuan nga një ish si Dani Welbeck. Pavarësisht tentativave pjesa e parë do mbyllej me këtë rezultat, ndërsa në të dytën Rashford do të rikthente baraspeshën përkohësisht. Golin e fitores më tej e realizoi Grenwood 7 minuta para fundit. Pas 30 javësh kampionat Manchester United renditet në vendin e dytë me 60 pikë, 14 më pak se City, ndërsa ka 11 më shumë se Tottenham-i i vendit të pestë.

Ndërkohë në La Liga Atletico Madrid ka komplikuar gjithçka për titullin, që dukej në duar të sigurta disa javë më parë. Skuadra e Simeone-s këtë javë është mposhtur 1-0 nga Sevillia, që me këtë fitore ka blinduar vendin e katërt në renditje. Golin tre pikësh kundër Atletico Madrid e realizoi Acuna në minutën e 70, ndërsa në pjesën e parë Ocampus humbi një penallti.

Sakaq sonte do të luajë Barcelona kundër Vallodolid, e cila në rast fitoreje do të ngjitej në vendin e dytë me 65 pikë, 1 më pak se Atletico Madrid që kryeson. Aktualisht vendi i dytë në La Liga mbahet nga Real Madrid me 63 pikë. /S.H /NOA.al