Mediat në SHBA nxjerrin të dhëna për vaksinën kineze ‘Sinovac’
Transmetuar më 03-04-2021, 14:18

Vaksina kineze ka mbërritur në vendin tonë dhe është aktualisht një nga katër vaksinat në përdorim nga popullata.

Ajo është vaksina në sasinë më të madhe për momentin që ka mbërritur në Shqipëri dhe ka pasur më pak informacion lidhur  me efikasitetin e saj.

Një shkrim i posaçëm i gazetës “New York Times” është ndalur tek efektiviteti i vaksines kineze "Sinovac".

Gazeta shkruan se kjo vaksinë është aprovuar për përdorim në Kinë dhe është e autorizuar për përdorim emergjent në rreth 23 vende të tjera.

Kuese vë në dukje se studiuesit në Turqi dhe Brazil zbuluan se vaksina ka një efikasitet prej 83.5 për qind kundër infeksioneve Covid-19 tek personat me një ose më shumë simptoma.

Kurse ka pak më shumë se 50 për qind rezistencë ndaj infeksioneve tek të gjithë ata që vaksinohen, nëse janë me ose pa simptoma.

Kjo vaksinë është prodhuar duke mësuar sistemin imunitar për të bërë antitrupa kundër koronavirusit SARS-CoV-2.

Antitrupat bashkohen me proteinat virale, të tilla si të ashtuquajturat proteina spike që studiojnë sipërfaqen e saj. Pasi të vaksinohen me Sinovac, sistemi imunitar mund t’i përgjigjet një infeksioni të koronavirusëve aktivë.

Që në janarin e vitit 2020 "Sinovac" filloi zhvillimin e një vaksine inaktive kundër koronavirusit duke përdorur metodologjinë e vjetër të vaksinave tradicionale.

Në gusht 2020 "Sinovac" kishte arritur të prodhonte 500 milionë doza dhe tha në fillim të prillit se ka rritur  kapacitetin në një prodhim vjetor prej 2 miliardë doza.

Por si funksionon Sinovac? Fillimisht virusi vritet dhe pastaj u jepet individëve, sikurse vaksina e Hepatitit A dhe vaksina e tërbimit. Virusi është i vdekur dhe nuk mund të shkaktojë sëmundje. Pasi të injektohet, sistemi imun i individit përgjigjet dhe prodhon antitrupa të gatshëm të luftojnë ndonjë infeksion me korona në të ardhmen.

Një nga avantazhet kryesore të "Sinovac" është se mund të ruhet në një frigorifer standard në 2-8 gradë Celsius, si vaksina e Oksfordit, AstraZeneca.

Njëmbëdhjetë vende të tjera veç Shqipërisë por përdorin Sinovac. Ato janë, Brazili, Kili, Guatemala, Hong Kong, Indonezi, Malajzi, Qipro Veriore, Filipine, Tajlandë, Turqi dhe Uruguai. Sa lloje vaksinash ka prodhuar Kina? Kina ka udhëhequr në zhvillimin e vaksinave gjatë gjithë pandemisë. Së bashku me katër vaksina të miratuara, të paktën tetë të tjera aktualisht janë në provë dhe shumë më tepër janë në fazë paraklinike, sipas Organizatës Botërore të Shëndetësisë.

Katër më të avancuarat përfshijnë tri vaksina të paaktivizuara të koronavirusit. Njëra është CoronaVac, e zhvilluar nga kompania bioteknologjike Sinovac; dy të tjera janë nga Sinopharm, me pronar shtetëror, të zhvilluara në Institutin e Produkteve Biologjike të Pekinit dhe tjetra në Institutin e Produkteve Biologjike, Wuhan.

Ndërkohë, CanSino ka zhvilluar një vaksinë me një dozë të vetme, me një teknologji të ngjashme me vaksinat e zhvilluara nga Johnson & Johnson, Oxford/AstraZeneca dhe Sputnik.

/a.m/NOA.al