Janë arrestuar 13 shqiptarë nga policia e Venecias.

Shqiptarët ishin të përfshirë kryesisht në trafik kokaine, të destinuar për në qytetin turistik.

Operacioni i madh policor antidrogë, i drejtuar nga Prokuroria e Rrethit Anti-Mafia, përfshiu mbi 100 policë.

Sipas ANSA, – raporton NOA.al, të arrestuarit janë shtetas shqiptarë, shumë prej të cilëve punonin në qendrën historike. Në këtë mënyrë ata shfrytëzuan zotërimin e një biznesi të ligjshëm për të lëvizur me lehtësi në kanalet veneciane.

Policia u kapi gjithashtu edhe një sasi kokaine.

Policia dyshon se grupi kriminal kishte një strukturë piramidale, i ndarë në detyra specifike dhe nivele të përgjegjësisë.

Ata kishin të punësuar edhe shumë të tjerë .

Nuk janë bërë publik emrat e shqiptarëve të arrestuar, për shkak të hetimeve.

/a.m//NOA.al