Triumfi i Jetës! Emocione te “Shefqet Ndroqi”, 19 vjeçarja me Covid sjell në jetë djalin
Transmetuar më 21-03-2021, 16:42

Shefja e reanimacionit të spitalit “Shefqet Ndroqi”, Alma Cani ka postuar një video emocionuese, pas lindjes së një 19-vjeçare të infektuar me Covid.

Ajo lindi në ambientet e spitalit. E reja ka kryer me sukses lindjen e djalit të saj, të cilin ka zgjedhur që ta quajë Noel.

Në video shihen emocionet e papërshkrueshme jo vetëm të saj, por edhe të stafit mjekësor që e ndihmoi në lindjen e suksesshme të djalit.

Mjekja Cani shpreson që çdo ditë të ketë lajme të tilla pozitive. Ajo  thotë se jeta do të triumfojë, pavarësisht sfidave që ka kaluar njerëzimi, apo edhe vështirësive të mëdha, siç është edhe koha aktuale që po kalojmë prej Covid.

Kujtojmë se gjatë muajve të fundit janë kryer disa lindje në ambientet e spitaleve Covid në vend. Fatkeqësisht janë shënuar dy raste fatalitetetesh, te nënat e reja. Lindjet kryhen nën monitorimin jo vetëm të stafeve të spitaleve Covid, por edhe mjekëve të materniteteve.

Postimi i plotë i mjekes Cani:

Mireseerdhe Noel në jete! Lindja jote na jep force! Në Spitalin “ Shefqet Ndroqi” Covid 2 ,lind 19 vjeçarja e semure me Covid 19.

Realizohet lindja me sukses ne ambientet e spitalit Covid 2 ne bashkepunim te ngushte me koleget e spitalit Obsetrik – Gjinekologjik “ Koco Glozheni”.

Urojme qe lajme te tilla te bukura t’i ndajme me ju cdo dite! Gezimi juaj eshte forca jone per ta vazhduar kete lufte deri në fund me fitore per Triumfin e Jetes!

/a.m/NOA.al