Një vajzë shqiptare është zhdukur në Greqi duke alarmuar familjarët dhe miqtë e tyre. Artemis Vasili, 19 vjeçe që shihni në foto, është e reja emigrante nga Shqipëria e cila rezulton e zhdukur që nga 16 tetori 2020.

Ditët e fundit kanë dalë dyshime dhe dëshmi të tmerrshme që sugjerojnë se Artemis mbahet peng nga dy persona. Ndonëse ka afro 5 muaj që vajza është zhdukur, sot kjo çështje është bërë lajm kryesor për mediat në Greqi, edhe për faktin se këtë të mërkurë do të bëhen kërkime të zgjeruara pranë Jumbo për të parë nëse gjenden gjurmë të Artemisës., raporton noa.al duke cituar të dhënat e korrespondentit të saj në Athinë.

Më herët, një dëshmi tronditëse dhe disa hetime detyruan autoritetet të bëjnë kërkime edhe në puse dhe mjedise të tjera të braktisura.

Për gjetjen e vajzës është vënë në lëvizje edhe një grup investiguesish privatë. Në Vilia u gjet një valixhe që mbante brenda trupin e një vajze dhe shumë dyshime janë ngritur nëse ishte trupi i të resë që mungon prej 16 tetorit.

Avokati i familjes, Anastasios Dougas, tha se kërkimet janë të ethshme: "Aktualisht, një kërkim intensiv po kryhet rreth Jumbo, zona në të cilën fillimisht duhej të shkonte.  Midis dëshmive, është dhe një nga punonjësi i një kompanie celulare të zonës, ku siç deklaron ai, Artemis shkoi dhe e pyeti se ku është Jumbo", theksoi avokati i familjes.

"Një vajzë me të njëjtat karakteristika dhe të njëjtin përshkrim të rrobave erdhi në dyqanin tonë dhe pyeti se si të shkonte në Jumbo. Kur u futa në Facebook pashë lajmet për zhdukjen e një vajze dhe e njoha. Ditën që erdhi në dyqan i shpjegova se si të shkonte te Jumbo që në fakt ishte ca larg nga aty. Ajo iku pak me nxitim" tha dëshmitari. Ai tha se e pa vajzën duke ikur më këmbë.

Flet vëllai: Si u zhduk ime motër duke parë për punë te Jumbo

Vëllai i Artemisës, Aris në një postim në rrjete sociale ka rrëfyer mbi zhdukjen e motrës dhe ka kërkuar ndihmë:

"Motra jonë Artemis është zhdukur që nga e premtja 16 tetor 2020 në ora 15.00. Ajo atë ditë iku nga shtëpia në Koropi, për në Peania për të filluar punë tek Jumbo.

Aris ka dyshime të forta se janë 2 apo 3 burra që e mbajnë forcërisht Artemisën dhe hedh dyshime se bëhet fjalë për një rrjet kriminal trafikantësh në Athinë.

Djali që shpreh shqetësim të vazhdueshëm për motrën, pohon se policia nuk po bën shumë për ta gjetur. Ndaj ai i bën thirrje qytetarëve që të ndihmojnë për gjetjen e saj. /noa.al