Një hotel në hapësirë, në orbitë në vitin 2027. Ja si do të duket: imazhe të pabesueshme
Transmetuar më 13-03-2021, 13:06

Musk: "Unë do të krijoj një qytet privat futurist, ai do të jetë në Teksas dhe do të ketë ligjet e veta"

Hoteli i parë në hapësirë ​​është gati të mbërrijë: inaugurimi do të bëhet për gjashtë vjet. Puna për të ndërtuar hotelin galaktik pritet të fillojë në vitin 2025: i pajisur me restorante elegante, një kinema, sauna dhe dhoma për 400 persona.

Hoteli është konceptuar i tillë, për t’i dhënë turistëve një ide të udhëtimit, është ai i një anijeje lundrimi. Dhe këtu nis "arratia" nga pandemia.

I zhvilluar nga Orbital assembly corporation (Oac), stacioni Voyager mund të jetë funksional pas dy vitesh kur të “vendoset tulla e parë”.

Stacioni hapësinor do të formohet si një rreth i madh dhe do të rrotullohet për të gjeneruar një forcë (artificiale) të gravitetit në një nivel të ngjashëm me atë në Hënë.

Ende nuk janë zbuluar detaje rreth kostove për të ndërtuar stacionin hapësinor ose sa do të duhet të shpenzohen për të kaluar një natë në hotel. Por 75 miliardë dollarë është kostoja e ndërtimit të tij.

Mbi të gjitha, është shumë herët për vlerësime të tilla dhe ka shumë variabla që mund të ndryshojnë nga tani në gjashtë vjet. Sidoqoftë, OAC ka specifikuar që kostot e ndërtimit po bëhen më të lira falë SpaceX Falcon 9 dhe Starship-it të ardhshëm.

Për shumë vite kostoja e lëshimit në hapësirë ​​ishte 8 mijë dollarë për kilogram në orbitë, por me SpaceX ajo ka shkuar në 2 mijë dollarë dhe pritet që të arrijë disa qindra dollarë.

Ekipi i përbërë nga inxhinierë, arkitektë, pilotë planifikon të fillojë me eksperimentimin e një stacioni prototipi në një shkallë shumë më të vogël dhe një strukture mikrograviteti fluturues të lirë të ngjashme me Stacionin Ndërkombëtar të Hapësirës.

"Ky do të jetë revolucioni tjetër industrial", shpjegoi John Blincoë, ish pilot dhe themelues i Fondacionit Gateway. "Rrotullimi është jetik – thotë Blincow – është fizikisht e paimagjinueshme të lihen njerëzit në një stacion hapësinor pa gravitet për një kohë të gjatë. Qytetarët do të dëshirojnë të qëndrojnë me muaj, veçanërisht nëse janë duke punuar".

Agjencitë qeveritare mund ta përdorin gjithashtu stacionin për të vendosur modulin e tyre të shkencës ose si një qendër trajnimi për astronautët që përgatiten të shkojnë në Mars.

Ideja e një stacioni hapësinor orbitues të ndërtuar rreth një rrote qendrore daton që nga ditët e para të udhëtimit në hapësirë, nga një ide e Wernher von Braun. Ai ishte një nga arkitektët e programit Apollo të NASA-s dhe në vitet 1950 propozoi një habitat në formën e një rrote që rrotullohej për të krijuar gravitetin artificial. Koncepti për Stacionin Voyager lindi për herë të parë në 2012 me krijimin e Fondacionit Gateway.

Ndërkohë, në pritje të zbarkimit në Hënë, SpaceX i Elon Musk ka gjetur një vend për të ndërtuar qytetin e tij. Jo në planetin e kuq, por shumë më afër: në Teksas, tre kilometra nga gryka e Rio Grande, afër kufirit me Meksikën. Emri do të jetë: Starbase.

Musk e bëri njoftimin në Twitter për më shumë se 48 milionë ndjekësit e tij. Zona është e njëjtë me bazën hapësinore të Musk, SpaceX, dhe themeluesi i Tesla jo vetëm që do të kufizohet në ndryshimin e emrit të vendit, nga Boca Chica në Starbase, por edhe për të zgjeruar dhe për ta shndërruar atë në një qytet të banueshëm të së ardhmes, me ligjet e veta, si një lloj “qyteti privat”, në valën e atyre të teknologjisë së lartë (hi-tech).

Jashtë strukturës mega do të instalohen anije kozmike për hulumtime hapësinore të cilat mund t’i shitet NASA-s ose ESA-s. Disa nga 24 modulet (dimensionet janë 20×12 metra) të hotelit janë në shitje: njerëzit mund të krijojnë një vilë private ose madje të krijojnë më shumë module për të bërë një hotel me spa, kinema dhe më shumë.

Modulet e mbetura do të bëhen salla koncertesh, biblioteka, palestra dhe restorante, ku mund të hani ushqim hapësinor siç është akullorja e leofilizuar dhe të bëni një xhiro nëpër botë çdo 90 minuta. /a.k/noa.al