Agjencia Europaine e Barnave ka miratuar përdorimin e vaksinën Johnson&Johnson, duke u shprehur për përdorimin urgjent të ilaçit që merret vetëm me një dozë.

Agjencia Evropiane e Barnave (EMA) ka dhënë mendimin e saj të favorshëm për autorizimin dhe përdorimin e vaksinës së koronavirusit nga kompania shumëkombëshe amerikane Johnson & Johnson (J&J).

Ky vendim vjen ndonëse kompania ka njoftuar ligjvënësit e Bashkimit Evropian se vaksina nuk do të ketë mundësi të dërgohet deri në mesin e muajit prill.

Kjo vaksinë tashmë është miratuar në Shtetet e Bashkuara dhe Kanada.

Për dallim nga vaksinat e kompanive tjera, kjo vaksinë merret vetëm në një dozë.

Komisioni Evropian duhet të autorizojë së shpejti përdorimin e tij përfundimisht, duke e bërë atë vaksinën e katërt në dispozicion në Bashkimin Evropian pas atyre të Pfizer-BioNTech, Moderna dhe AstraZeneca. Ndryshe nga këto, zgjidhja e J & J përfshin administrimin e një doze të vetme dhe për këtë arsye mund të përshpejtojë fushatën e vaksinimit në Evropë, e cila po vazhdon ngadalë pavarësisht se disa probleme në dërgesat janë zgjidhur.

J&J aplikoi në EMA për autorizim në 16 Shkurt, ndërsa pak më pak se dy javë më vonë vaksina e kompanisë u autorizua për përdorim urgjent në Shtetet e Bashkuara. Ndryshe nga vaksinat dërguese të ARN-së siç janë ato nga Pfizer-BioNTech dhe Moderna, vaksina e J & J është më pak e kushtueshme dhe nuk ka nevojë të ruhet në ngrirje të fuqishme, duke rezultuar kështu në më pak vështirësi në menaxhimin e dërgesave dhe administrimin e dozave.

Rezultatet e testimeve me rreth 44,000 pjesëmarrës kanë treguar se vaksina e kompansë Johnson&Johnson, është 66 për qind efektive në parandalimin e sëmurjes së rëndë nga koronavirusi.

Vaksina e kësaj kompanie bëhet e katërta që është miratuar nga blloku evropian.