Një variant shumë infektiv i COVID-19 që është përhapur në të gjithë botën që kur u zbulua për herë të parë në Britani në fund të vitit të kaluar është midis 30% dhe 100% më vdekjeprurës sesa variantet e mëparshme dominuese, thanë studiuesit të Mërkurën.

Në një studim që krahasonte nivelet e vdekjeve midis njerëzve në Britani të infektuar me variantin e ri SARS-CoV-2 – i njohur si B.1.1.7 – kundër atyre të infektuar me variante të tjera të virusit që shkakton COVID-19, shkencëtarët thanë se me variantin e ri shkalla e vdekshmërisë ishte “dukshëm më e lartë”.

Varianti B.1.1.7 u zbulua për herë të parë në Britani në Shtator 2020, dhe që atëherë është gjetur gjithashtu në më shumë se 100 vende të tjera.

Ka 23 mutacione në kodin e vet gjenetik – një numër relativisht i lartë – dhe disa prej tyre e kanë bërë atë të përhapet shumë më lehtë.

Shkencëtarët thonë se është rreth 40% -70% më e transmetueshme sesa variantet e mëparshme dominuese që qarkullonin.

Në studimin e MB, botuar në British Medical Journal të Mërkurën, infeksioni me variantin e ri çoi në 227 vdekje në një mostër prej 54,906 pacientëve COVID-19, krahasuar me 141 midis të njëjtit numër pacientësh të infektuar me variante të tjera.

"Bashkuar me aftësia e tij për t’u përhapur me shpejtësi, kjo e bën B.1.1.7 një kërcënim që duhet të merret seriozisht,", tha Robert Challen, një studiues në Universitetin Exeter i cili bashkëdrejtoi kërkimin.

Ekspertët e pavarur thanë se gjetjet e këtij studimi shtojnë provat paraprake që lidhin infeksionin me variantin e virusit B.1.1.7 me një rrezik në rritje të vdekjes nga COVID-19.

Burimi i lajmit: Reuters