Organizata Botërore e Shëndetësisë (OBSH) njoftoi sot se po sheh me shqetësim një rigjallërim të rasteve COVID-19 në Evropën qendrore dhe lindore, ku bën pjesë edhe Shqipëria.
Po ashtu, shqetësim është një rritje e numrit të rasteve të reja edhe në disa vende të Evropës perëndimore, tha kreu i zyrës së OBSH-së për Europën, Hans Kluge.
“Popullimi i vazhdueshëm i spitaleve dhe infektimi në masë i punonjësve shëndetësorë është shqetësues, tha z.Kluge për mediat.
Ai kritikoi faktin se është e papranueshme që edhe pas një viti në pandemi, sistemet shëndetësore ndodhen në këtë situatë.
Zyrtari i lartë i Organizatës Botërore të Shëndetësisë (OBSH) ka kritikuar Evropën për rritjen e infektimeve duke vlerësuar se "nuk duhet të ishte në këtë situatë" pasi rastet e koronavirusit u rritën me 9% në javën e kaluar.
“Infeksionet e reja janë rritur dhe kjo po ndodh pas gjashtë javësh rënie të njëpasnjëshme”, – tha Dr. Hans Kluge, drejtor rajonal i OBSH-së në Evropë.
Ai theksoi se kishte më shumë se një milion raste të reja COVID-19 në kontinent gjatë javës së kaluar.
“Pati një rënie premtuese gjashtë javore të rasteve të reja, në më shumë se gjysmën e rajonit europian, por ditët e fundit jemi duke parë një numër në rritje të infeksioneve të reja”.
“Ne po shohim një rigjallërim shqetësues në Evropën Qendrore dhe Lindore. Rastet e reja janë gjithashtu në rritje në disa vende të Evropës perëndimore ku shifrat edhe ashtu ishin të larta", – tha Kluge.
Për të parandaluar rritjen e rasteve, Dr Kluge tha se vendet kanë nevojë që:
Të tregojnë vigjilencë të shtuar për variantet më të transmetueshme të virusit.
Të bëhet testimi i shtuar dhe gjurmimi i kontakteve të të infektuarve që evidentohen.
Përqendrim më i madh në parandalimin dhe kontrollimin e sëmundjeve të tjera.
Të merren masa për të luftuar "lodhjen pandemike".
T’i jepet fund bllokimeve "graduale" dhe reduktimi i kufizimeve të bëhet përmes provave testuese para se të veprohet me zbutje të tyre.
Të ketë një shpërndarje të përshpejtuar të vaksinave.
/a.m/NOA.al