Transmetuar më 03-03-2021, 19:01
Humbi jetën në spital 62-vjeçari, i cili mbeti i plagosur rëndë sot në aksidentin që ndodhi në Elbasan.
Drejtuesi i biçikletës i cili u përplas mesditën e sotme nga një trailer humbi jetën në spital disa orë pas aksidentit.
Aksidenti ndodhi rreth orës 14:00, në unazën e qytetit të Elbasanit, pranë zonës së njohur si Kryqëzimi i Cërrikut.
Sipas policisë, shtetasi V.M., 55 vjeç, banues në Maliq, Korçë, duke drejtuar mjetin trailer, plagosi shtetasin R.Z., 62 vjeç, i cili po kalonte në rrugë me biçikletë.
Grupi hetimor po punon për zbardhjen e shkakut të aksidentit.
(Foto: Nga vendi i ngjarjes ku ndodhi aksidenti, Google)