Shqiptari habit policinë italiane, arsyeja janë dy breshka
Transmetuar më 23-02-2021, 19:33

Një shqiptar në Itali ka befasuar policinë vendase pas kontrollit të kryer ndaj tij.

Ngjarja raportohet të ketë ndodhur mëngjesin e ditës së sotme.

Siç raporton Ansa.it shqiptari është ndalur sapo zbriti në portin e Barit në Itali dhe i është bërë një kontroll në mjetin ku po udhëtonte.

Policët e portit janë habitur kur kanë parë se në bagazh shqiptari kishte futur dy breshka.

Breshkat ishin të rralla, të llojit “Testudo Hermanni”, të cilat janë klasifikuar si specie në zhdukje.

Breshkat nuk kishin certifikatat e nevojshme dhe as mikroçipin e identifikimit.

Kështu u sekuestruan, ndërsa shqiptari u procedua për tentativë në importimin e specieve të rrezikuara.

Breshkat u dorëzuan në një qendër kujdesi për kafshët e llojeve të rralla e të egra.