E trishtë, ndahet nga jeta kreu i Partisë Demokratike Sarandë
Transmetuar më 16-02-2021, 12:58

Kryetari i Partisë Demokratike në Sarandë, Hariz Mema ka humbur jetën si pasojë e një ataku kardiak. Ai është gjetur pa ndenja në fshatin Gjashtë dhe është transportuar në spital ku dhe ka ndërruar jetë.

Mema drejtonte prej 8 vitesh Partinë Demokratike në Sarandë. Ai ka qenë po ashtu edhe anëtar i këshillit bashkiak në qytetin bregdetar.

Pas lajmit të hidhur, ka reaguar edhe deputeti i PS-së, Alket Hyseni, i cili ka shprehur ngushëllimet për ndarjen nga jeta të Memës.

“Lajmi i trishtueshëm për humbjen e jetës të z.Hariz Mema Një qytetar i mirë i Sarandës, një familjar i shkëlqyer dhe një veprimtar politik, që me politesë dhe shpirt demokratik, dha një kontribut të çmuar për qytetin dhe zonën tonë. Marr pjesë në dhimbjen e familjes, të shokëve, miqve, patriotëve dhe anëtarëve të Partisë Demokratike të Sarandës!”, shkruan Hyseni në rrjetet sociale. /e.a/noa.al/