Nuk ishin parë me njëri-tjetrin për një vit për shkak të kufizimeve anti-Covid, Stanley dhe Mavis Harbour, një burrë dhe grua mbi 80 vjeç, por që janë të martuar prej 60 vjetësh.

Tani ata janë ribashkuar më në fund në shtëpinë e të moshuarve në "Lever Edge Care" në Great Lever, Angli.

Një emocion i pabesueshëm për të dy, i dokumentuar në internet nga stafi i strukturës. "Më ka marrë malli për të. Jam shumë e lumtur. Nuk dua të jem më larg tij. Ndihem e humbur", tha gruaja. "Kur e pashë nuk mund ta besoja. Më dukej si një ëndërr", ishte komenti i burrit të saj.

Historia – Stanley dhe Mavis u takuan për herë të fundit në shkurt të vitit 2020 në "Lever Edge Care Home".

Stanley, 83 vjeç, që vuante nga skleroza, ka qëndruar në të vërtetë në shtëpinë e të moshuarve që nga shtatori 2019.

Me situatën pandemike, Mavis, 81 vjeçe, nuk ishte në gjendje të vizitonte burrin e saj për 12 muaj. Kohët e fundit, megjithatë, gruaja u sëmur dhe vendosi të transferohej në të njëjtin azil.

Kështu, çifti ishte në gjendje të ribashkohej. Për të festuar takimin, stafi i strukturës organizoi një darkë me qirinj.

Dashuria me shikim të parë – Të pandashëm që nga fundi i viteve 1950, Stanley dhe Mavis janë takuar në rrugë: të dy ishin duke u kthyer në shtëpi nga puna.

Për Mavis, ishte dashuri me shikim të parë: "Unë isha rrugës për në shtëpi kur pashë Stanley. E pyeta babanë tim se kush ishte. E dija menjëherë se do të martohesha me të".

Martesa – Dhe kështu ndodhi. Çifti u martua në Bolton në fillim të viteve 1960 dhe kishte dy fëmijë: Peter dhe Neil.

"E jona ishte një martesë e lumtur. Sekreti? Gjithmonë duke gjetur një kompromis. Dhe duke biseduar, duke pasur një dialog të mirë". /e.a/noa.al/