Vaksina Sputnik V është 91.6% efektive kundër formave simptomatike të Covid, sipas rezultateve të botuara në revistën mjekësore “The Lancet”, dhe të vërtetuara nga ekspertë të pavarur.

“Zhvillimi i vaksinës Sputnik V është kritikuar për nxitimin e saj, apo edhe për faktin që ka ndjekur hapa dhe mungesë transparence. Por rezultatet e raportuara janë të qarta dhe parimi shkencor i këtij vaksinimi është provuar,” – thanë dy ekspertë britanikë, Profesorët Ian Jones dhe Polly Roy, në një koment shoqërues për studimin e Lancet.

Kjo "do të thotë që një vaksinë shtesë tani mund të bashkohet me luftën për të zvogëluar incidencën e Covid-19", – shtuan studiuesit, të cilët nuk ishin të përfshirë në studim.

Prandaj Sputnik V vlerësohet të jetë një ndër vaksinat me performancën më të mirë, së bashku me Pfizer / BioNTech dhe Moderna (rreth 95% efektivë), të cilët përdorin një teknologji të ndryshme. Javët e fundit po flitet për një vlerësim të mundshëm dhe të shpejtë në Evropë, nga Agjencia Evropiane e Barnave (EMA).  Sputnik V përdoret tashmë në Rusi dhe në vende të tilla si Argjentina ose Algjeria.

Rezultatet e botuara në The Lancet vijnë nga faza e fundit e provave klinike të vaksinës, Faza 3, që përfshin gati 20,000 pjesëmarrës.

Si gjithmonë në këto raste, këto rezultate erdhën nga ekipi që zhvilloi vaksinën dhe më pas kreu studimet dhe që iu paraqitën shkencëtarëve të tjerë të pavarur para botimit. Ato tregojnë se Sputnik V zvogëlon 91,6% rrezikun e kontraktimit të një forme simptomatike të Covid-19.

/a.m/NOA.al