Një aksident i rëndë ka ndodhur mbrëmjen e sotme, në aksin rrugor Levan-Vlorë të autostradës që të çon drejt Fierit duke u mbyllur me vdekjen e një të reje dhe plagosjen e një tjetre.
Ngjarja ndodhi rreth orës 19:25, në autostradën Vlorë- Fier, kur mjeti me drejtuese shtetasen A.Ç., 23 vjeçe dhe pasagjere shtetasen S. M., 22 vjeçe, ka humbur kontrollin dhe ka dalë nga rruga.
Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç. Sakaq, është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Trupi i viktimës është gjetur shumë metra larg nga vendi i ngjarjes nga automjetit çka dëshmon dhe fuqinë e goditjes së dy automjeteve.
Përmbyset makina në aksin Vlorë-Fier, humb jetën e reja, vajza tjetër në gjendje të rëndë pic.twitter.com/Rlhtnoi55i
— NOA.al (@noanews) January 26, 2021
Aksidenti ka ndodhur në vendin e quajtur “Kripa” dhe siç shihet dhe nga pamjet që sjell Vloranews, përplasja midis dy mjeteve ka qenë shumë e fortë ku njëri prej tyre është batuar në anë të rrugës.
/a.m/NOA.al