Organizata Botërore e Shëndetësisë (OBSH) doli me ​​këshilla të reja klinike të martën, për trajtimin e pacientëve me COVID-19, përfshirë ata që shfaqin simptoma të vazhdueshme pas shërimit, dhe gjithashtu këshilloi përdorimin e dozave të ulëta për të parandaluar mpiksjen e gjakut.

"Në udhëzimet që janë të reja për pacientët COVID-19 në shtëpi, ata duhet të kenë parasysh përdorimin e oksimetrisë së pulsit, si matja e niveleve të oksigjenit. Kështu mund të identifikoni nëse në shtëpi po përkeqësohet gjendja juaj çka do të ishte më mirë të kishit kujdes spitalor ,” tha zëdhënësja e OBSH-së Margaret Harris, në një konferencë të Kombeve të Bashkuara në Gjenevë.

OBSH këshillon mjekët sesi të përmirësojnë furnizimin me oksigjen.

“Gjithashtu ne rekomandojmë, sugjerojmë përdorimin e anti-mpiksjes me doza të ulëta për të parandaluar formimin e mpiksjes së gjakut në enët e gjakut. Ne sugjerojmë përdorimin e dozave më të ulëta sesa doza më të larta, sepse doza më të larta mund të çojnë në probleme të tjera ”, tha Harris.

Ajo shtoi se një ekip i drejtuar nga OBSH i ekspertëve të pavarur, aktualisht ndodhet në qytetin qendror kinez të Wuhan, atje ku rastet e para u zbuluan në dhjetor 2019.

OBSH në dy ditët e ardhshme do të dalë në një përfundim me studiuesit kinezë,  lidhur me origjinën e virusit.

Ajo nuk pranoi të merrte pjesë në raportet e vonesave në shpërndarjen e vaksinave në Bashkimin Evropian. Zyrtarja e OBSH tha se nuk kishte të dhëna specifike dhe përparësia e OBSH-së ishte që punonjësit shëndetësorë në të gjitha vendet të vaksinoheshin në 100 ditët e para të vitit.

AstraZeneca, e cila zhvilloi vaksinën e saj me Universitetin e Oksfordit, i tha BE të Premten se nuk mund të përmbushte objektivat e rëna dakord të furnizimit deri në fund të Marsit.

/a.m/NOA.al