Pas infektimit me Covid u nis me urgjencë drejt Athinës, gjendja e fundit e Janullatos: Dje ishte me ethe, por sot …
Transmetuar më 12-11-2020, 15:34

Kryepeshkopi Anastas Janullatos, i cili pasditen e djeshme u nis për në Greqi me avion ushtarak për kurim pas infektivit me Covid, duket se e ka lënë pas krahëve rrezikun.

Në Athinë ai mori ndihmën e parë mjekësore, ndërsa për gjendjen e tij të fundit ka reaguar Kisha Orthodhokse Autoqefale e Shqipërisë.

Në deklaratën e saj Kisha ndalet në mesazhin Janullatos pak para largimit në Tiranë ku ka treguar se ka probleme në mushkëri dhe prej disa vitesh vuan nga astma.

Kisha i referohet asaj që ka deklaruar Janullatos, i cili  ka pasur ethe pasi është prekur me Covid-19 dhe më pas është ndjerë më mirë. “Mendoj se të bëhesh pjesëmarrës, qoftë edhe në këtë mënyrë, në dhimbjen e përbashkët, është dhuratë Perëndie. Mos ta përballojmë gjithmonë si një gjë të vështirë. Janë disa simptoma të lehta. Dje vështirësia ishte më e madhe. Kam një farë dobësie me mushkëritë, prej shumë vitesh kam astma”.

“Besoj se do ta kalojmë. Dje ishte me ethe, por sot jemi mirë. Sot në drekë, besoj pasdite, do të jem tek “Evangjelismos”… është një spital i njohur për mua, sepse kemi përballuar edhe herë të tjera vështirësi dhe i kapërcyem. Dhe mos u ligështoni, mos u mërzisni. Do të kalojë. “Edhe nëse rrojmë, edhe nëse vdesim të Zotit jemi”, – është shprehur Janullatos.

Për shkak edhe të një operacioni që kreu në zemër, Janullatos ndodhej në gjendje të rënduar para nisjes drejt Athinës, por jashtë rrezikut për jetën.

Mediat bënë publike pamjet kur Janullatos zbriti në Athinë, me ndihmën e një ekipi shëndetësor që është kujdesur posaçërisht për të që në nisje nga Tirana.

Postimi i plotë i Kishës Orthodhokse Autoqefale:

Lajm që preku zemrat e besimtarëve. Sikundër është e natyrshme, lajmi për infektimin nga Covid-19 i Fortlumturisë së Tij, Kryepiskopit të Tiranës, Durrësit dhe të Gjithë Shqipërisë, Anastasit, ka prekur zemrat e besimtarëve, të cilët i urojnë shërim sa më të shpejtë dhe luten për të. Gjithashtu, kjo tërhoqi vëmendjen e të gjitha mediave, që e pasqyruan si lajmin ashtu edhe fjalët e ndjera të Kryepiskopit.

Në lajme e komente është folur edhe për figurën e tij si hierark e shkencëtar dhe në veçanti duke theksuar veprën e jashtëzakonshme të ringritjes nga hiri i ateizmit të Kishës Orthodhokse Autoqefale të Shqipërisë, si kurora e gjithë jetës së Tij të gjatë në hierapostullim të popujve.

Kryepiskopi pak para largimit nga Tirana, për në Spitalin “Evangjelismos” të Athinës, tha midis të tjerash: “… Mendoj se të bëhesh pjesëmarrës, qoftë edhe në këtë mënyrë, në dhimbjen e përbashkët, është dhuratë Perëndie. Mos ta përballojmë gjithmonë si një gjë të vështirë. Janë disa simptoma të lehta. Dje vështirësia ishte më e madhe. Kam një farë dobësie me mushkëritë, prej shumë vitesh kam astma. Besoj se do ta kalojmë.

Dje ishte me ethe, por sot jemi mirë. Sot në drekë, besoj pasdite, do të jem tek “Evangjelismos”… është një spital i njohur për mua, sepse kemi përballuar edhe herë të tjera vështirësi dhe i kapërcyem.

Dhe mos u ligështoni, mos u mërzisni. Do të kalojë. “Edhe nëse rrojmë, edhe nëse vdesim të Zotit jemi”. Përbëjnë një ngushëllim të madh këto fjalë për të gjithë ne.”

Kryepiskopi ka marrë shumë urime për shërim të shpejtë nga besimtarë dhe personalitete të vendit tonë, si dhe nga primatë, hierarkë të Kishave dhe personalitete nga jashtë, ku veçojmë mesazhin e menjëhershëm të Patriarkut Ekumenik:

Fortlumturi dhe vëlla fort i dashur, Lutjet tona ju shoqërojnë gjatë fluturimit Tuaj… dhe gjatë kurimit Tuaj aty, për të cilin urojmë të jetë afatshkurtër dhe rezultativ: sepse ju duam dhe sepse Kisha ju ka nevojë. Urojmë të vazhdoni për shumë vite akoma kontributin Tuaj krijues dhe mirëbërës për Krishterimin dhe për njerëzimin, për lavdi të Perëndisë. Fortlumturi, të shkuara!

Ju përqafojmë me përshëndetje të shenjtë, Vëllazërisht më Zotin, Patriarku Vartholome.

/a.m/NOA.al