Platforma sociale Twitter raportoi ‘cicërimën’ e Donald Trump në të cilën presidenti akuzoi demokratët: "ata po përpiqen të vjedhin zgjedhjet, – shkroi ai, – Ne nuk do ta lejojmë atë".

Nuk është hera e parë që rrjeti social "hesht" presidentin për postimet e tij të gjykuara jo në përputhje me rregullat e vendosura pikërisht për këto zgjedhje presidenciale të cilat synonin të ndalonin fenomenin e lajmeve të rreme.

Midis rregullave të vendosura nga Twitter, i cili në vitin 2016 ishte thelbësor për zgjedhjen e Donald Trump, ka një ndalim të politikanëve dhe kandidatëve për të postuar ‘tweets’ që mund të ndërhyjnë në procesin zgjedhor. Askush nuk mund ta deklarojë veten fitues para se rezultati të deklarohet zyrtarisht nga organet përgjegjëse.

Twitter gjithashtu ka rezervuar për të drejtuar kufizimin e përdoruesve që postojnë lajme për të modifikuar ose mashtruar. Këto ‘cicërima’ do të "markohen" me një formulim të veçantë. Shërbimet e Twitter shpesh kanë paralajmëruar Donald Trump. Sidomos për disa postime për koronavirusin dhe gjykuar si mashtruese. /NOA/