Ndryshon vendi, mbledhja e përbashkët Shqipëri-Kosovë do të mbahet në Tiranë
Transmetuar më 28-09-2020, 21:27

Mbledhja e përbashkët e dy qeverive, të Shqipërisë dhe të Kosovës do të mbahet në Tiranë dhe jo në Shkodër.

Qeveria shqiptare ka vendosur që të ndryshojë vendin e organizimit të mbledhjes pak ditë përpara, që është përcaktuar për t’u zhvilluar në datë 2 tetor.

Mbledhja do të zhvillohet në orën 11:00 në pallatin e Kongreseve.

Fillimisht mbledhja ishte parashikuar në 25 shtator, por që u shty me kërkesë të kryeministrit të Kosovës, Hoti për shkak të seancës së Kuvendit.

“Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor” tha Hoti.

Mbledhja e përbashkët e 2 tetorit është e 6-ta që mbahet mes dy qeverive.