Në Turqi me dhjetëra të arrestuar, Shqipëria mbyll zyrtarisht shkollat e drejtuara nga “grupi terrorist” FETO
Transmetuar më 25-09-2020, 19:17

Shqipëria njoftoi se do të mbyllë tre shkolla, të dyshuara se drejtohen nga Organizata Terroriste Fetullah (FETO), grupi terrorist sipas Ankarasë zyrtare, që qëndron pas përpjekjes së grushtit të shtetit 2016 në Turqi.

Këshilli i Ministrave njoftoi në faqen e tij se medreseja ‘Hafiz Abdullah Zemblaku’, në qytetin juglindor të Korçës dhe medreseja ‘Ali Korça’, në qytetin perëndimor të Kavaje, të dyja shkolla të mesme fetare, si dhe ‘Shkolla Memoriale Ndërkombëtare’ e Tiranës, e cila shërben edhe si një shkollë 9-vjeçare dhe shkollë e mesme, do të mbyllen.

Sipas njoftimit, vendimet për mbylljen e tyre u morën më 16 dhe 23 Shtator.

FETO ka rritur ndikimin e saj vitet e fundit në arsimin e vendit tonë, përmes Fondacionit të saj ‘Sema’.

Në bashkëpunim me Komunitetin Mysliman Shqiptar, qeveria ka marrë përsipër administrimin e disa medreseve në vend, përfshirë shkollat e mbyllura nga këshilli i ministrave.

Institucionet arsimore të mbyllura në përputhje me vendimin janë të detyruar të sigurojnë secilin nxënës me dokumentet e nevojshme, për transferimin e tyre në një shkollë tjetër.

Vendimi do të hyjë në fuqi në pritje të botimit në Faqen Zyrtare.

FETO dhe udhëheqësi i saj me bazë në SHBA, Fetullah Gulen, akuzohen se orkestruan grushtin e shtetit që dështoi më 15 korrik 2016, i cili la 251 njerëz të martirizuar dhe gati 2,200 të plagosur.

Ankaraja akuzon FETO se qëndron pas një fushate të gjatë për të përmbysur shtetin përmes depërtimit të saj në institucionet turke, veçanërisht në ushtri, polici dhe gjyqësor.

Ky vendim i Qeverisë Shqiptare vjen pas një vizite të paka ditëve më parë nga Kryeministri Edi Rama në Ankara, ku u takua edhe me presidentin Taip Rexhep Erdogan.

Paralelisht mediat turke thanë se prokurorët turq lëshuan urdhër arresti për 76 të dyshuar, në të gjithë Turqinë, për lidhje të dyshuara me Organizatën Terroriste FETO.

Operacioni me bazë në Stamboll raportohet se u krye në 19 provinca të Turqisë, nga ekipet e departamentit të policisë së antiterrorit për të kapur të dyshuarit.

/NOA.al