Triçikli me tre persona del nga rruga, plagosen dy prej tyre
Transmetuar më 15-09-2020, 17:38

Dy persona janë plagosur në një aksident pasditen e sotme.

Ngjarja është raportuar në fshatin Mollas të Korçës, ku shtetasi L. L., rreth 42 vjeç, banues në Korçë, duke drejtuar një triçikël, dyshohet se ka humbur kontrollin e mjetit dhe ka dalë nga rruga.

Për pasojë janë dëmtuar bashkëshortja e drejtuesit, shtetasja S. L., rreth 39 vjeçe dhe B. K., 63 vjeç, banues në Korçë, pasagjerë në mjet.

Me drejtuesin e triçiklit do të kryhen veprimet e mëtejshme proceduriale.

Grupi hetimor po punon për zbardhjen e rrethanave të ngjarjes. /k.k/noa.al/