Një ngjarje e rëndë ka ndodhur në Rusi ku një vajzë adoleshente ka vdekur pasi u godit nga rryma elektrike në vaskë.

Ndëkohë sipas policisë besohet se shkaku për këtë ngjarje është bërë celulari i saj që po karikohej.

Viktima e identifikuar si Anna K., kishte rreth një orë që kishte hyrë në vaskë, kur fqinjët raportuan një rrjedhje uji nga tavani.

Ka qenë njerku i vajzës i cili ka thyer derën e banjës për të hyrë, ku e ka gjetur 15-vjeçaren pa shenja jete.

Celulari i saj që po karikohej u gjet në vaskën e mbushur me ujë.

Sa i përket kësaj ngjarje familjarët u shprehën se një lavatriçe kishte shkaktuar edhe më parë rrymë elektrike në banjë, dhe në kohën e incidentit ishte duke punuar.

Por mjekët pasi kanë parë skenën e ngjarjes u shprehën se vajza kishte vdekur nga rryma elektrike.