Transmetuar më 12-08-2020, 12:43

Katër persona në Lezhë dhe Kurbin të dënuar për vrasje, vjedhje me pasojë vdekjen dhe drogë, duhet të deklarojnë origjinën e pasurisë së tyre, e cila dyshohet të jetë produkt i aktivitetit krimina.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, Operacioni Forca e Ligjit i ka nisur kërkesat me shkrim për vetëdeklarimin e burimeve të pasurisë, shtetasve:

-K.astriot Lalaj, banues në Lezhë, i dënuar për veprën penale “Vjedhja me pasojë vdekjen”, kryer në bashkëpunim;

-Mark Lleshi, banues në Lezhë, i dënuar për veprën penale “Vrasja me paramendim”;

-Agron Selmani, banues në Kurbin, i dënuar për veprën penale “Trafikim i narkotikëve”;

-Arjan Ndoci, banues në Kurbin, i dënuar për veprat penale “Trafikimi i narkotikëve” dhe “Grupi i strukturuar kriminal”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. /a.y/noa.al