Presidenti Ilir Meta reagon lidhur me situatën e zjarreve në vend, pasi hapësira të mëdha u përfshinë në flakë pasditen e së dielës, në zonën e Tepelenës dhe Fierit.

Kreu i shtetit thotë se është duke ndjekur me shumë shqetësim situatën aktuale të përhapjes së vatrave të zjarreve në disa qarqe të vendit.

Presidenti Meta nxit autoritetet qendrore dhe  vendore për koordinimin në kohë dhe marrjen e masave të menjëhershme dhe efektive të emergjencës, për të neutralizuar çdo vatër zjarri që do të dëmtonte rëndë pasurinë publike, kombëtare dhe atë private.

Duke theksuar rëndësinë e ruajtjes së mjedisit dhe të natyrës, Presidenti Meta tërheq veçanërisht vëmendjen për eliminimin e rrezikut për jetët e qytetarëve. /a.y/noa.al