Ambasadorja amerikane Yuri Kim dhe ai i Bashkimit Europian, Luigi Soreca i kanë shkuar paraditen e sotme në zyrë Kryeministrit Edi Rama.

Ky takim mes diplomatëve të nivelit të lartë me kreun e qeverisë, vjen në një kohë që diskutohen ndryshimet kushtetuese, të cilat parashikojnë lista të hapura në zgjedhje dhe mos lejimin e koalicioneve parazgjedhore.

Takimi mes kryediplomatëve dhe kreut të qeverisë, zgjati afro një orë.

Mësohet se ambasadorja Kim mirëpriti vazhdimin e diskutimeve të ndërsjellta në Këshillin Politik në lidhje me ndryshimet kushtetuese.

Sakaq takimi mbahet paralelisht me seancën parlamentare, ku diskutohet raporti i komisionit hetimor për Presidentin Ilir Meta, “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar e ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”.

Gjithçka pasi Presidenti shtyu zgjedhjet lokale të 30 qershorit, ku shumica e hetoi për shkelje të ligjit dhe shpërdorim detyre, por në fund u tërhoq nga shkarkimi. /a.y/noa.al