Partizani siguron fitoren e tretë radhazi në Kategorinë Superiore, duke i larguar rrezikut të rënies si dhe hodhi një hap për të siguruar një vend në Kupat e Europës.

Të kuqtë moshtën Laçin me rezultatin 1-0, duke thyer “mallkimin” e rezultateve negative në stadiumin kombëtar. Një fitore tepër e rëndësishme ndaj një rivali të drejpërdrejtë për garën në zonën Europiane.

Partizani shënoi shumë shpejt me anë të Çinarit. Broja vodhi topin nga mbrojtja mike dhe gjuajti në portë, por goditja e tij kthehet në një asist për Çinarin i cili nuk fal me portën e boshatisur.

Goli i Eraldo Çinarit në minutën e 11-të rezultoi vendimtar dhe i siguroi 3 pikë të arta skuadrës së Adolfo Sormanit. Deri në fund Partizani arriti ta menaxhonte mjaft mirë epërsinë e fituar në fillimin e ndeshjes.

Pavarësisht përpjekjeve, skuadra e Armando Cungut, nuk arriti të gjente rrugën e rrjetës.

Me këtë fitore kampionët në fuqi ngjiten në kuotën e 47 pikëve, 2 më pak se kurbinasit.

Sfidën e radhës për Partizanin do ta jetë ajo e me Bylisin në Ballsh.

Partizani-Laçi 1-0

Shënues:  Çinari 11′

PARTIZANI: Hoxha, Idrizaj, Belica, Boldor, Trashi, Telushi, Broja, Kordeiro, Çinari (76′ Braun), Llanaj (54′ Ferati), Bardhi (88′ Solomon). Trajner: Adolfo Sormani

LAÇI: Stazhila, Fangaj, Ignjatovic, Selmani, Turkaj, Shehu, Deliu (76′ Rapo), Lushkja, Xhixha, Nuabueze, Greca (64′ Teko). Trajner: Armando Cungu.

Kartonë të verdhë: Boldor, Bitri, Solomon / Shehu, Nuabueze, Lushkja

Gjyqtar: Kreshnik Bajramaj

/NOA.al