OFL kërkon që të provojnë pasurinë tre persona me rekorde të theksuara kriminale/ Emrat
Transmetuar më 21-05-2020, 12:58

Operacioni Forca e Ligjit, kërkon që të provojnë pasurinë tre persona me rekorde të shkuara kriminale në Tiranë.

OFL i ka nisur kërkesën me shkrim për vetëdeklarimin e burimeve të pasurisë, Dorian Lecit, banues në Tiranë, i dënuar për veprën penale “Vjedhja me dhunë” e kryer në bashkëpunim.

Kërkesa i është dërguar edhe Taulant Neçaj, banues në Tiranë, i dënuar për veprat penale “Shtrëngim me anë të kanosjes ose dhunës për dhënie pasurie”, “Kundërshtim i punonjësit të Rendit Publik” dhe “Shkatërrim prone”.

Pasurinë duhet ta provojë edhe Maliq Ibrahimaj, banues në Tiranë, i dënuar për veprat penale “Vjedhja me armë” e kryer në bashkëpunim, e mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. /a.y/noa.al

Loading...